Friday, June 23, 2006

Ang Legal na Droga

Malimit ay naka-inom ka na ng kape. Ito nga pala ang most widely consumed stimulant sa balat ng lupa. Kaya magpaka-high ka na. Bakit drug ang kape? Dahil isa siyang stimulant. Ibig sabihin, iniiwasan niyang antukin ka at gagawin kang mas alerto. Kaya ito ginagamit ng mga nagre-review(at addict sa computer tulad ko)... Para magising.

Pero hindi ang pagpapa-high ang gusto kong talakayin dito. Naisip mo na ba kung ano talaga ang KAPE?

Read more...


Pwes, basahin mo to.

Ang nilalaman ng kape ay ang chemical na caffeine. Ito ang pinakamalakas na component ng kape. Nung 1820 nadiskubre ang caffeine ni Friedrich Ferdinand Runge, isang German.


Ang chemical name ng CAFFEINE eh 1,3,7-trimethylxanthine. Bahala ka ng mag-pronounce yan.

Ang chemical formula naman niya ay C8H10N4O2.


Ibig sabihin niyan, ang caffeine ay naglalaman ng walong carbon, sampung hydrogen, apat na nitrogen at dalawang oxygen. Ganyan kadaling intindihin ang mga chemical formula. :P

Nung una akong nakakita ng caffeine sa laboratory class ko nung nag-aaral pa ako ng pharmacy, nagulat ako dahil puting crystalline powder siya. Akala ko brown siya agad. Pero (toink) naisip ko component lang pala ang caffeine. Hindi siya mismong kape.

Maraming pagkukunhan ng caffeine. 60 na halaman ang meron nito. Pag sa halaman, isa siyang natural na pesticide. Pag may lalapit na insekto sa halamang yun, mapaparalisa at mamatay yung insekto. Ganun katindi ang caffeine.

Maliban sa kape, meron ding caffeine ang softdrinks, energy drinks at tea. Pag uminom ka ng isang Red Bull, may laman itong 80mg na caffeine. Sa ngayon, meron na ring tinatawag na CAFFEINE PILL. Isa siyang gamot na ginagamit para labanan ang antok. Ang mga gumagamit nito ng madalas ay mga estudyante, mga truck drivers, at mga taong nagpapakapuyat mag-blog. :P

Pero, may mga namatay na dahil sa kaiinom ng pill na to. Meron isang estudyante sa North Carolina, USA ang namatay dahil sa pag-lunok ng 90 na pills. Hindi ko alam kung trip niya lang o walang instant coffee sa lugar nila at naisipan niyang lunukin lahat yun. Ibig sabihin nito, uminom siya ng 250 na tasa ng kape. Ayun, tegok.

Ngayon kung nasanay ka sa kape at bigla mo itong ititigil, magkakaroon ka ng withdrawal symptoms gaya ng sakit ng ulo, pagkahilo, pagka-irita at pagiging nerbyoso.Sa mga grabeng kaso, pwede itong humantong sa depression. Pwede ring mawala ang motivation ng tao para makumpleto ang mga dapat niyang gawin sa buhay niya. Hindi na rin siya makaka-concentrate. Pag nasobrahan ka sa kape, ang tawag dito ay caffeine intoxication. Kaya, hinay-hinay lang sa kape. (I should follow my own advice)

No comments: