Monday, June 26, 2006

Kontra-B.O.

Yan ang bagong programa ng MMDA Chairman na si Bayani Fernando. At pano niya to gagawin?

Sa programang ito, parang sinabi ng MMDA na ang mga driver ng mga PUV sa Manila eh mababaho at may BO. Parang na stereotype tuloy ang mga driver. Siyempre, alam kong may sariling opinyon ang mga driver. Merong naiinis, merong gustong-gusto, merong okay lang, at meron ding dedma.

Nabalita noon na nagbibigay ng free tawas ang MMDA sa mga driver ng mga pampublikong sasakyan noong nakaraang buwan. Ito daw ay ginagawa nila para malabanan ang amoy ng mga driver na di kanais-nais.
Read more...

Naalala ko nanonood ako ng Unang Hirit sa GMA nun at binalita na ganun nga. Hiningi ni Love and opinyon ng isang jeepney driver. Hindi natuwa ang driver sa nasabing programa at sabi niya na pera na lang ang ibigay. Hm... may punto siya dun.

Kanina naman, nakasakay ako sa Victory nang ibalita na ngayon nagbibigay naman sila ng lotion at shampoo YATA yun. Vaseline pa yata. Anong ngiti ko :P

Sabi ko sa sarili ko, sana gawan niyo na lang ng paraan ang trapik kesa magbigay kayo ng mga ganyan na sigurado akong ibibigay lang nila sa mga asawa o anak. Minsan pa lang ako nakaranas ng driver na may BO. Halos maduling ako at muntikan na mahimatay sa lakas nito. Pero wala akong magagawa dun. Siguro, dahil sanay na siya sa amoy niya, hindi na niya naiisip kung ano ang maaamoy ng iba.

Hindi ko naman sinasabing mali ang MMDA sa programang ito, pero siguro, mas mainam na tignan na lang nila ang mga ibang mas importanteng issue. Priorities, ika nga. At hangang hanga ako sa MMDA Chairman dahil kahit na maraming batikos sa kanya, tuloy pa rin ang trabaho at mga programa. Kung minsan kasi, naghahanap tayo ng taong masisisi sa mga maling nangyayare sa Pinas. Pero kung tutuusin, tayo rin lang ang dapat masisi. Reklamo nga tayo ng reklamo, pero wala naman tayong ginagawa para mabigyan ng solusyon mga problema natin.

Sana nga maging matagumpay ang programa ng MMDA kontra-BO.

No comments: